Hikaru25遊樂場

既然上POST開了個『回到校園時』的回憶篇，那麼我就讓回憶進行到底吧，畢竟我怕忙起來會無乜心情寫
上篇的海兔宅記『開學日篇』講的是海兔君的開學趣事回到校園時中學篇（記那些年當中學生時的有趣回憶（笑）），今篇『數學堂篇』輪到宅宅子講下佢在中學生涯裡曾經上過史上最強大的數學堂（？）

PS：半制品出現（事實是懶得打字，SO手寫字體，請笑納~~HA）



唉~話說我和宅宅子可謂上過被自己評為史上最強大的數學堂！！！
原因好簡單，試問有多少人會在兩堂連堂數學課遇上像我這位如此百變的數學阿SIR？
佢不但上半場突然變左兩性專家，下半場都不放過乾脆再變成怪談主持？！

我好清楚記得，事發當日是一個天晴的上午，陽光尚算普照，我班F.3E的同學仔當中有對要用腦的數學堂毫無期待，但是出乎大家意料之外，一向愛扮型仔的數學老師，他只跟我們上了大概半小時的課，接下來的一小時四十五分鐘，他決定跟我們這班少年少女分享下佢本人的『追女經驗』（爆）由於事出突然，我們都繼續將書本放在桌上，因為大家只會想阿SIR亂嗡十幾分鐘又會回復正常上堂。豈料，阿SIR不但愈講愈陶醉，他更出賣他讀大學時如何邀請喜歡的女生成為大學舞會PARTNER又或者教一班男生穿衣之道和如何接送女生歸家等『追女經』分享。

下半場來臨後，我們才明白到阿SIR根本不會回復正常上堂去，於是乎，大家比上半場更加用心的去聽故仔，尤其是阿SIR心血來潮講完『追女經』決定講『大學怪談』（PS：欲知到底數學阿SIR爆左乜鬼故出來？請留意囧BLOG主之後有冇努力畫四格漫來更POST啦~（遠目中...））

結果，兩堂數學堂就如此輕鬆和驚嚇完堂，但是，原來最精彩的結尾是阿SIR忽然如夢初醒，佢半威脅我班，緊張道：「打鈴放小息啦...但我暫時不放你們班，今日的數學堂，我竟然如此用來講『追女經』和『鬼故』，若被校長得知，我就死得啦，所以你們一定一定不要同校長或任何老師打我小報告，否則我要你們數學成績到此為止，UNDERSTOOD？」

OVERALL，阿SIR此話一出引來全場歡樂笑聲，不過，有誰會乖乖聽命？不過，幸好最後都無人去打阿SIR小報告，證明他的『追女經』和『鬼故』確實WORK同恐怖，總之那次之後，我班多麼期待再上一次如此強大和精彩的數學堂啊！

用阿SAM的學生歌來THE END今POST『數學堂篇』~


歌詞（轉載：中文歌詞網）

學生哥，好溫功課，咪淨係掛住踢波，
最弊肥佬左無陰功咯，同學亦愛莫能助。
（肥佬左無陰功咯，同學亦愛莫能助）

學生哥，咪書咯，咪日夜掛住拍拖，
顧住十幾科，科科喎，面懵懵一肚火。
（十幾科，科科喎，面懵懵一肚火）

螞蟻亦要搵野食，唔做事確係無益，
少壯就要多努力，來日望自食其力。

學生哥，要思己過，唔係第日悔恨更多，
人之初，應知錯，唔自立就會捱餓。
（人之初，應知錯，唔自立就會捱餓）

學生哥，一個個，我地日日記住隻歌，
人多多，RE ME RE DO 齊合力喝伴同和。
（人多多，RE ME RE DO 齊合力喝伴同和）