Hikaru25遊樂場

海兔宅記28 ～出奇蛋篇（記一次過實現你三個願望X2013EASTER賀圖X多謝BLOG友歡SIR的2013賀年卡）

HAPPY EASTER！首先送上2013EASTER賀圖，主題是海兔宅記版的宅宅子IN WONDERLAND（笑）
既然宅宅子變成ALICE，那麼海兔又成為擬人兔啦～PS：擬人海兔VS海兔車，妙呵～




今POST海兔宅記～出奇蛋篇，來睇下出奇蛋為宅宅子實現了什麼願望？




哈哈～隔壁銀魂小伊來客串海兔小伊了（PS：真正的海兔繼續在BAKER STREET 221B（？））

今POST有無讓大家回憶起童年的最愛KINDER出奇蛋？
記得為了食到最想要的玩具，總會嚷著要買粒或買盒KINDER出奇蛋返屋企又食又玩，童年時似乎特別容易將願望實現
現在已有很長時間沒有買KINDER出奇蛋了，可能今年EASTER會買粒來回味下童年時的自己吧XD
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

文章轉載：https://www.facebook.com/hkpoorguy


「Kinder出奇蛋，一次過滿足你三個願望！」

呢句廣告標語，相信好多朋友都係由細聽到大。一隻鍚紙包裝嘅朱古力蛋，有得食有得玩，都夠滿足到一般小朋友嘅願望喇啩？等陣，上面數完都只得兩個願望，何來三個願望呢？我諗第三個願望，應該係指打開玩具嗰一刻所包含嘅驚喜了。

將包著蛋的鍚紙打開，一隻黑抆抆嘅朱古力蛋會首先同你Say hi，當你再搣開中間嘅水口線，白色的內膽和一個橙色的「核心價值」就即時展現眼前。先將這個標榜含豐富牛奶成分的蛋食落肚，再打開橙色的「核心價值」，一個構造簡單的小玩具就跌出來了。出奇蛋的玩具大致可分為兩種，一種係擺設類，另一種係可以玩得嘅機關玩具。當中重有一種印喺盒度做賣點，實質係隱過隱藏版嘅卡通人物小擺設〔計有海綿寶寶、Toy Story之類〕。細個時覺得這個小玩意次次不同，充滿樂趣，一隻小玩具亦足以玩得不亦樂乎，但喺而家呢個科技發達嘅時代，你玩「他媽哥治」都會俾人笑你out，咁當初食蛋所得到嘅驚喜，到咗今日重依然存在嗎？

記得有一年復活節，出奇蛋嚟到我間小學做宣傳，每個小學雞都得到一份禮物包：一個大大嘅紙袋，散收收咁裝住三隻已經受熱融化得不似蛋形嘅出奇蛋，另附一張填色比賽的表格。90年代的當時，出奇蛋可以算係高級零食，所以當我事前已經得知會收到三隻出奇蛋，實在係未出發先興奮。但收到禮物後，我卻不敢再想象啷啷下嘅半固體朱古力有多好吃，注意力早已投放到玩具之上。

當小學雞時代的我把橙色蛋殼打開的一瞬間，我呆滯了 ─ 我三隻蛋之中，三隻玩具竟然都係一樣，重要係毫無意義嘅大象擺設！唔通我要三隻象揸支槍去打仗咩！如此極低但又無意義嘅中獎機率竟然嘅呢個嘅情況下出現喺我身上，實在令人怨恨點解呢個機率唔出現喺老虎機度！

直至近年，電視廣告又再展現出奇蛋的演變 ─ 今日變成以膠殼包裝的「奇趣蛋」。早排復活節我見超市有特價，結果就買咗一隻，打算感受下節日氣氛之餘，順便回味返童年的感覺。只見當年的蛋形的朱古力已變為膠製的半邊蛋殼，盛著用匙拂嚟食的甜死人朱古力，朱古力中更嵌入兩粒微妙的脆脆；另一半蛋殼就放著玩具，雖然事過境遷，但玩具的種類卻十年如一日，我又抽到一個老鼠擺設……

不禁想問一句：奇趣蛋，你還可以滿足我的願望嗎？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

PS：囧BLOG主真的有被KINDER出奇蛋實現了三個願望的曾經，那開心滿足的單純感覺實在難得，不過，時間不會因此而暫停前進，就連那些年作為KINDER品牌的代言小男孩，現在都長大成大叔了（笑）你還記得他嗎？

突追感謝BLOG友歡歡的2013賀年卡！！（SORRY，感謝得遲了）
多謝，歡SIR的2013祝賀哈～

OVERALL， 多謝大家對本blog的支持！
也請支持HIKARU25遊樂場（你按下的LIKE是我創作的動力之一，多謝！）



PS：祝大家HAPPY EASTER HOLIDAY～SEE U NEXT POST～